[EID UL AZHA AUR QURBANI]

[EID UL AZHA AUR QURBANI]
MSG # 01

Aur Jo Log Qurbani Karne Ki istata'at Na Rakhte Hon Wo Bhi Zil-Hajj Ka Chaand Nazer Aanay k baad Apne Baal Aur Nakhun Eid Tak Na Kaatay, Kiyo k Jo Gareeb Log Hen Un k Liye
Rasoolullah SallALLAHu Alaihy Wa Sallam Ne Fermaya:
"(Eid k Din) Baal Kaat Lo, Nakhun Aur Mounchen Taraash Lo, Aur Zair-e-Naaf Ki Safayi Ker Lo, ALLAH Ki Baargah Me Tumhari Yehi Kamil Qurbani Hy."
(Abu Daud Kitab uz Zohaya Hadees:2789)


[EID UL AZHA AUR QURBANI]
MSG # 02

Rasoolullah SallALLAHu Alaihy Wa Sallam Ne Fermaya:
"Koi Din ALLAH Ki Baargah Me (Zil-Hajj Ki Shuruaat k) In 10 Dino Se Ziada Azmat Wala Nahi, Aur Na Hi Kisi Din Ka (Naik) Amal ALLAH Ko In 10 Dino k Amal Se Ziada Mehboob Hy. Lihaza Tum In 10 Dino Me Kasrat Se (La Ilaha illALLAH), (ALLAHu Akber) Aur (Al Hamdulillah) Parha Karo."
(Musnad e Ahmed Jild:2 Page:102-103 Hadees:5445)

[EID UL AZHA AUR QURBANI]
MSG # 03

[SubSe Afzal Ashra]
Rasoolullah SallALLAHu Alaihy WaSallam Ne Fermaya:
"ALLAH Ta'ala Ko Koi Bhi Naik Amal itna Pasand Nahi Jitna Zil-Hajj k Pehle 10 Dino Me Kia Gaya Naik Amal Pasand Hy."
Pucha Gaya: Ae ALLAH k Rasool SallALLAHu Alaihy Wa Sallam, Kya ALLAH Ki Raah Me Jihad Bhi itna Pasand Nahi?
Aap SallALLAHu Alaihy Wa Sallam Ne Fermaya
"Haan, ALLAH Ki Raah Me Jihad Bhi itna Pasand Nahi, Lekin Jo Shakhs Apni Jaan-o-Maal Le Ker (Jihad k Liye)Nikla Aur phir Kuch Bhi Wapas Na Laya (Yani Shaheed Hogaya, To Uski Fazelat Ziada Hy)"
(Sahi Bukhari Kitab ul Eiden
Hadees:969)

[EID UL AZHA AUR QURBANI]
MSG # 04

Jis Gher Me Qurbani Ho Wahan K Tamam Afraad Per Lazim Hy K Wo Zil-Hajj Ka Chaand Nazer Aanay Se Pehle Pehle Apne Baal Aur Nakhun Kaat Len.

> Kiun K
Rasoolullah SallALLAHu Alaihy Wa Sallam Ne Fermaya:
"Jab Tum Zil-Hajj Ka Chaand Dekh Lo Aur Tum Me Se Koi Qurbani (Karne) Ka Irada Rakhta Ho To Wo Apne Baal Aur Nakhun (Us Waqt Tak) Na Kaatay (Jab Tak Qurbani Na Ker Le)."
(Sahi Muslim Kitab ul Azahi
Hadees:1977)

[Qurbani 4 Din Tak Jayiz Hy]
MSG # 5

Rasoolullah SallALLAHu Alaihy Wa Sallam Ne Fermaya:
"Tashreeq K Tamam Din (Janwer) Zibah Karne K Din Hen."
(Musnad e Ahmed Jild:6 Page:898 Hadees:16872)

>> Aur is Baat Per Sub Mut'tafiq Hen K 11, 12 Aur 13 Zil-Hajj Tashreeq K Din Hen (Yani Eid Ka Dusra, Teesra Aur Chotha Din Tashreeq K Din Hen).
(Lisan ul Arab Jild:10
Page:176)

>> isi Liye Sahaba, Tabaeen aur Taba-Tabaeen, Jese k
Syedna Ibn-e-Abbas
Syedna Jubair Bin Mutam (RaziALLAHu Anhum),
imam Ataa Bin Abi Rabah
imam Hasan Basri
imam Umer Bin Abdul Azeez
imam Suleman Bin Moosa
imam Makhool
imam Shafayi
imam Daud Zahiri (Rahimahumullah) Wagera Bhi 4 Din Ki Qurbani k Qayil Thy.
(Sunan Kubra Lil Beheqi Jild:9
Page:296-297)


[Qurbani Karna Her Sahib-e-Istata'at Per Farz Hy]
MSG # 06

Rasoolullah SallALLAHu Alaihy Wa Sallam Ne Fermaya:
"Jis k Pas (Qurbani Karne Ki) Gunjayish Ho Aur Wo Qurbani Na Kare To Wo Humari (Yani Musalmano Ki) Eid-Gaah k Qareeb Bhi Na Aaey."
(Ibn e Maja Kitab ul Azahi
Hadees:3123)

>> Aur Aaj Kal Taqreeban Her Dusra Shakhs Qurbani Karne Ki Gunjayish Rakhta Hy, Kiyo k Aaj k Daur Me Al-Hamdulillah Masajid Aur Madaris Me Gaaey Ki Qurbani Ka 1 Hissa 8000 Se 10000 Ka Mil Jata Hy, Aur Dumbay Ki Qurbani Aaj Bhi Taqreban 20,000 Me Hojati Hy.

[Yom-e-Arafa Ka Roza]
MSG # 07

Rasoolullah SallALLAHu Alaihy Wa Sallam Ne Fermaya:
"Main ALLAH Se Umeed Rakhta Hon K Yom-e-Arafa (9 Zil-Hajj) Ka Roza Rakhne Ki Waja Se ALLAH Ta'ala Pichle Ek Saal Aur Aglay Ek Saal K Gunah Muaf Ferma Dega."
(Sahi Muslim Kitab us Siyam Hadees:1162)

[Dikhaway Ki Qurbani]
MSG # 08

Syedna Abu Ayoub Ansari RaziALLAHu Anho Fermatay Hen K
"ALLAH k Nabi SallALLAHu Alaihy Wa Sallam k Zamana-e-Mubarak Me Aadmi Apni Aur Apne Gher Walo Ki Taraf Se Ek Bakri Ki Qurbani Ker Diya Karta Tha (Jis Me Se) Wo Khud Bhi Khaatay Aur Dusron Ko Bhi Khilaatay Thy. Lekin Baad Me Log Fakhar (k Taur Per Ziada Janwer Zibah) Karne Lage To Wo Haal Hogaya Jo Aap (Aaj Kal) Dekh Rahe Hen."

(Ibn e Maja Kitab ul Azahi Hadees#3147)

[Zil Hajj K Pehle Ashray Me Buland Aawaz Se Takbeerat Kehni Chahye]
MSG # 05

"Is Ashray Me Syedna Ibn-e-Umer Aur Syedna Abu Huraira (RaziALLAHu Anhuma) Buland Aawaz Se Takbeerat Kehte Hue Bazaar Me Nikal Jate Thy, Deegar Log (Yani Tabaeen Rahimahumullah) Bhi Un k Sath Takbeerat Kehna Shuru Ker Dete Thy. Aur Syedna Muhammad bin Ali (Yani imam Baqir Rahimahullah) Nafil Namaz k Baad Takbeer Kehte Thy."
(Sahi Bukhari Kitab ul Eiden Baab:11)